"PAŞA Yatırım Bankası"nın qiymətli kağızları delistinq edilib

"Bakı Fond Birjası" QSC-nin Listinq Komitəsinin qərarı ilə “PAŞA Bank” ASC-nin Türkiyədəki törəməsi “PAŞA Yatırım Bankası"nın qiymətli kağızları delistinq edilib.

"Report" bu barədə Birjaya istinadən xəbər verir.

Xatırladaq ki, "PAŞA Yatırım Bankası" 2015-ci ildə "PAŞA Bank"ın Türkiyənin "Aksoy Holdinq"inə məxsus "TAİB Bank"ın səhmlərini alması ilə yaradılıb. Onun nizamnamə kapitalı 500 milyon lirədir (təxminən 58 milyon manat). Bankın səhmlərinin 50,96%-i “PAŞA Bank”a, 49%-i Bankın daxil olduğu “PAŞA Holdinq” MMC-yə, 0,04%-i isə “Aksoy Holdinq”ə məxsusdur.