“Standard Insurance”in əmlaklarının satışından 131 min manat pul daxil olub

19 Fevral , 2021 18:03

Ləğv prosesində olan “Standard Insurance” Sığorta Şirkəti ASC-nin əmlaklarının bir hissəsi hərrac yolu ilə satılıb.

Bu barədə “Report” qurumun Ləğvetmə Komissiyasına istinadən xəbər verir.

Məlumata görə, Bakı Kommersiya Məhkəməsinin iyulun 29-da qəbul etdiyi “Standard Insurance”in müflis elan olunması ilə bağlı qərarı sentyabrın 14-də qüvvəyə mindikdən sonra sığorta şirkətinin balansında olan 11 ədəd avtomobil və bir sıra digər avadanlıqlar hərraca çıxarılıb. Onların realizə edilməsindən 130 743 manat vəsait əldə olunub. O cümlədən avtomobillərin satışından 125 031 manat pul daxil olub.

Hərrac yolu ilə artıq satışı həyata keçirilən avtomobillər barədə ətraflı məlumat aşağıdakı cədvəldə təqdim olunub:

№	Marka	Model	Buraxılış ili	Dövlət nömrə nişanı	Satış qiyməti	Hərracın tarixi
1	HYUNDAI	TUCSON	2009	90AH799	7,600	27.11.2020
2	HYUNDAI	SONATA	2014	99PE615	15,675	27.11.2020
3	CHEVROLET	AVEO	2012	90PG490	4,750	27.11.2020
4	HYUNDAI	ACCENT	2012	10PJ964	12,400	11.01.2021
5	VAZ21214	NİVA	2012	90PV348	5,630	11.01.2021
6	HYUNDAI	ACCENT	2012	90PB859	9,975	30.11.2020
7	HYUNDAİ	SONATA	2011	10PX615	13,350	01.12.2020
8	HYUNDAİ	TUCSON	2008	90AK799	11,994	19.02.2021
9	KIA	CERATO	2011	99PB461	13,433	19.02.2021
10	HYUNDAI	ACCENT	2012	10PJ966	11,034	19.02.2021
11	HYUNDAI	IX35	2008	10PK931	19,190	19.02.2021
				Cəmi yekunda	125031

“Standard Insurance”in əmlaklarının satışını “Bakı Hərrac Mərkəzi” və “Xəzəryanı İxtisaslaşdırılmış Hərrac Mərkəzi” MMC-lər həyata keçirib. Bu proses ölkə qanunvericiliyinə və təsdiq edilmiş hərrac qaydalarına əsasən açıq yolla davam etdiriləcək və ictimaiyyətə əvvəlcədən məlumat veriləcək.

Xatırladaq ki, Azərbaycan Mərkəzi Bankının İdarə Heyəti sığorta şirkətinin lisenziyasını bu il mayın 19-da ləğv edib.