Moskvada Novruz bayramı qeyd olunub

Moskvanın Xalq Təsərrüfatı Nailiyyətləri Sərgisindəki (XTNS) “Azərbaycan” pavilyonunda Novruz bayramı qeyd olunub.

“Report”un Rusiya bürosu xəbər verir ki, tədbir pavilyonun rəhbərliyi tərəfindən təşkil olunub.

Qonaqlara Azərbaycanda Novruz bayramının keçirilməsi ənənələri barədə məlumat verilib.

Təşkilatçılar ənənəvi bayram şirniyyatlarının bəzədilməsi və Azərbaycanın xalq rəqsləri üzrə ustad dərsləri keçiriblər.

Qonaqlar üçün yerli və beynəlxalq rəqs müsabiqələrinin qaliblərinin ifasında rəqs proqramı təşkil olunub.