Fəzail İbrahimli: “İqtisadi inkişafımız olmasaydı, qələbəmiz də olmazdı”

“Azərbaycanın iqtisadi inkişafı, bugünkü dövlət büdcəsi olmasaydı, Vətən müharibəsindəki qələbəsi də olmazdı”.

“Report” xəbər verir ki, bunu Milli Məclisin sədr müavini Fəzail İbrahimli parlamentin İctimai birliklər və dini qurumlar, Elm və təhsil, Ailə, qadın və uşaq məsələləri, Səhiyyə və Mədəniyyət komitələrinin birgə iclasında 2022-ci ilin dövlət büdcəsi zərfinə daxil olan sənədlərin müzakirəsində deyib.

“Azərbaycan 44 günlük müharibədə tarixi zəfərə nail olaraq torpaqlarını 30 illik işğaldan azad edib. Bu qələbənin arxasında Azərbaycanın uzunmüddətli fəaliyyəti dayanır. Əgər iqtisadi inkişafımız olmasaydı, qələbəmiz də olmazdı”, - o bildirib.