Azərbaycan və JICA arasında kredit sazişinin müddəti artırılıb

Milli Məclisin bu gün keçirilən plenar iclasında Azərbaycanla Yaponiya Beynəlxalq Əməkdaşlıq Agentliyi (JICA) arasında 29 may 2009-cu ildə imzalanmış “Kiçik şəhərlərdə su təchizatı və kanalizasiya layihəsi”nə dair "AZB-P4 nömrəli Kredit Sazişinə Dəyişiklik Məktubu”nun təsdiq edilməsi barədə qanun layihəsi müzakirəyə çıxarılıb.

“Report” xatırladır ki, kredit sazişi JICA-nın Azərbaycana 32,851 milyard yapon yeni borc verməsini nəzərdə tutur.

Qanun layihəsinə əsasən, həmin vəsaitdən ən son istifadə müddəti 29 may 2017-ci il tarixindən 30 dekabr 2021-ci il tarixinə dəyişdirilir.

Sənəd müzakirələrdən sonra səsverməyə çıxarılaraq qəbul edilib.