ABŞ-ın Rusiyadakı səfiri bu həftə Moskvaya qayıdır

Dövlət Departamenti Rusiyadakı səfiri Con Sallivanın bu həftə Moskvaya qayıdacağını bildirib.

“Report” TASS-a istinadən xəbər verir ki, bunu ABŞ Dövlət Departamentinin sözçüsü Ned Prays bildirib.

Onun sözlərinə görə, iki ölkənin diplomatları mütəmadi olaraq bir-biri ilə görüşürlər. "Səfirliklər daxil olmaqla hökumətlərimiz arasında daha açıq əlaqə kanallarını alqışlayırıq. Bu səbəbdən səfirlərin geri dönməsi bizim üçün də, Rusiya tərəfi üçün də çox vacibdir" dedi.