BMT TŞ-də “Şimal axınları” ilə bağlı səsvermənin vaxtı məlum olub

BMT Təhlükəsizlik Şurasında (TŞ) fevralın 22-dən 24-dək “Şimal axını” və “Şimal axını 2” təbii qaz kəmərlərində təxribatın araşdırılması ilə bağlı qətnamə layihəsinə səsvermə keçiriləcək.

“Report” TASS-a istinadən xəbər verir ki, bu barədə Rusiyanın BMT-dəki daimi nümayəndəsinin birinci müavini Dmitri Polyanski məlumat verib.

Onun sözlərinə görə, dəqiq tarix hələ təsdiqlənməyib, çərşənbədən cümə gününə kimi bəzi günlərdə müvafiq qətnamə layihəsinə səsvermə keçiriləcək.

Xatırladaq ki, Rusiya ötən gün BMT Təhlükəsizlik Şurasına “Şimal axını”na təxribatın araşdırılması ilə bağlı qətnamə layihəsi təqdim edib. Bu sənədlə BMT Baş katibinə araşdırma aparmaq üçün müstəqil beynəlxalq hüquqşünaslar komissiyasının yaradılması təklif edilir.