Bu gün Türkiyə milli kosmik proqramını elan edəcək

Bu gün Türkiyə Prezidenti Rəcəb Tayyib Ərdoğanın iştirakı ilə ölkənin milli kosmik proqramı təqdim ediləcək.

“Report” "Anadolu" agentliyinə istinadən xəbər verir ki, mərasimin açılışı Ankarada, Türkiyə Prezidenti Administrasiyasında, yerli vaxtla saat 19:00-da nəzərdə tutulub.

Tədbirdə ölkənin kosmik sferada hədəflərinin elan olunması planlaşdırılır. Eyni zamanda Türkiyənin Sənaye və Texnologiya Nazirliyinin həyata keçirəcəyi layihələr də açıqlanacaq.

Mərasimdə dövlət başçısı ilə yanaşı, Sənaye və Texnologiyalar naziri Mustafa Varank da iştirak edəcək.