Ənsari: İrana qarşı sanksiyalar ləğv edilmədən İqlim Konvensiyasına əməl olunacağını gözləməyə dəyməz

İrana qarşı ədalətsiz sanksiyalar yeni texnologiyalara, sənayenin modernləşdirilməsinə, maliyyə resurslarına və xarici investisiyalara çıxışı əhəmiyyətli dərəcədə məhdudlaşdırıb.

"Report"un "Free Iran Telegram" kanalına istinadən verdiyi məlumata görə, bunu Bakıda BMT-nin İqlim Dəyişikliyi üzrə Çərçivə Konvensiyasının (COP29) Tərəflər Konfransının 29-cu sessiyasında iştirak edən İranın vitse-prezidenti Şina Ənsari deyib.

“İrana qarşı sanksiyalar tam aradan qaldırılmayana qədər COP Konvensiyasının prinsip və məqsədlərinə əməl olunmasını gözləmək məqsədəuyğun və ağlabatan deyil", - o deyib.