Ermənistan və Gürcüstan turizm sahəsində əməkdaşlığı dərinləşdirmək üçün işçi qrup yaradacaq

Ermənistan və Gürcüstan turizm sahəsində əməkdaşlığı dərinləşdirmək üçün işçi qrup yaradacaq.

"Report"un Gürcüstan bürosu xəbər verir ki, bu barədə Ermənistan Turizm Federasiyasının rəhbəri Mexak Apresyan jurnalistlərə bildirib.

Məlumata görə, Ermənistan Turizm Federasiyası və Gürcüstan Turizm Assosiasiyası Yerevanda bu barədə razılığa gəliblər.

İşçi qrupuna dövlət və özəl sektordan olan nümayəndələr daxil olacaq, onlar tezliklə sərhəddə ilk iclaslarını keçirəcək və oradakı problemləri müzakirə edəcəklər.