Ermənistan XİN: Türkiyə ilə münasibətlərin normallaşması prosesinə sadiqik

Ermənistan Türkiyə ilə münasibətlərin normallaşması prosesi çərçivəsində əldə olunan bütün razılaşmaların yerinə yetirilməsinə sadiqdir və Ankaradan da bunu gözləyir.

“Report” xəbər verir ki, bu barədə "Sputnik-Armeniya"ya ölkənin Xarici İşlər Nazirliyindən (XİN) məlumat verilib.

Ermənistan və Türkiyə arasında münasibətlərin normallaşması prosesi ilə bağlı xüsusi nümayəndələrin görüşünə gəlincə, XİN-dən bildirilib ki, cəmiyyət yalnız aydın razılaşmalar olduqda zamanla bağlı məlumat əldə edəcək.