Ermənistanda dövlət əmlakının mənimsənilməsi halları aşkarlanıb

Ermənistanda 4,5 milyard dram (11 milyon ABŞ dolları) dəyərində dövlət əmlakının mənimsənilməsi halları üzə çıxıb.

“Report” “Sputnik Ermənistan”a istinadən xəbər verir ki, bu barədə Ermənistanın Korrupsiyaya Qarşı Mübarizə Komitəsinin mətbuat xidməti məlumat yayıb.

Daşınmaz Əmlakın Kadastr Komitəsinin keçmiş əməkdaşı daxil olmaqla, ümumilikdə 10 nəfərə qarşı ittiham irəli sürülüb.

Onlar saxta sənədlərin hazırlanmasında və saxta müqavilələrin bağlanmasında ittiham olunurlar.