“Gürcü Arzusu” müxalifət liderlərini müasir bolşeviklər adlandırıb  

“Gürcüstan qanunun aliliyinə hörmət edən hüquqi dövlətdir”.

“Report”un yerli bürosu xəbər verir ki, bunu hakim Gürcü Arzusu Partiyasının sədri İrakli Kobaxidze müxalif Vahid Milli Hərəkat Partyiyasının sədri Nika Meliyanın həbsinə münasibət bildirərkən deyib.

O, N.Meliyanın təhlükəli və hakimiyyətə qayıtmaq üçün hər şey etməyə hazır olduğunu bildirib: “Bu gün 23 fevral – Qızıl ordunun yaranması günüdür. Bu ordunun bolşevikləri yenidən Gürcüstan dövlətçiliyinə qarşı çıxırlar. Lakin sübut olunub ki, müasir bolşeviklər – Mixeil Saakaşvili, Nika Qvaramiya, Giqa Bokeriya, Nika Meliya, Nino Burcanadze, Nato Çxeidze və İrakli Okruaşvili Gürcüstan dövlətçiliyini sarsıda bilməzlər”.

İ.Kobaxidze N.Meliyanın güc tətbiq etmədən həbsi ilə bağlı keçirilən kifayət qədər çətin əməliyyata görə daxili işlər naziri Vaxtanq Qomelauriyə və bütün polis əməkdaşlarına minnətdarlıq edib.