Gürcüstan 50-dən çox ölkə üçün sərhədlərini açıb

“Gürcüstanın hava və quru sərhədləri 50-dən çox ölkə üçün artıq açıqdır”.

“Report”un yerli bürosu xəbər verir ki, bunu ölkənin iqtisadiyyat və dayanıqlı inkişaf naziri Natia Turnava deyib.

Nazir hazırkı dövrədək ölkələrin sayının 47 olduğunu bildirib: “Siyahıya yeni ölkələr əlavə olunacaq və say 55-ə çatacaq. Həmin ölkələrdən olan ziyarətçilərdən həm hava, həm də quru sərhədində PCR testinin mənfi nəticəsi barədə arayış tələb olunacaq”.

N.Turnava Gürcüstana istənilən ölkədən peyvəndin hər iki dozasını vurduran şəxslərin daxil olmasına icazənin olduğunu da qeyd edib.