Gürcüstanda müəllimlər koronavirusla bağlı yoxlanılacaq

Koronavirusla bağlı “qırmızı zona” elan edilən Acarıstana səfər edən 2 100 nəfərə yaxın müəllim test olunacaq.

“Report”un yerli bürosu xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzinin rəhbəri Amiran Qamkrelidze bildirib.

O, iri şəhərlərdə məktəblərin açılmasının oktyabrın 1-dək təxirə salınmasını ən düzgün qərar adlandırıb: “Müəllimlərin COVID-19-la bağlı yoxlanılmasına artıq başlanılıb. Təsadüfi seçim prinsipi əsasında 45 min müəllimin də testdən keçirilməsi nəzərdə tutulub”.