Gürcüstanın əksər hissəsi işıqsız qalıb

Gürcüstanın paytaxtı Tbilisi şəhərinin bir hissəsi və ölkənin qərb rayonlarına elektik enerjisinin verilişi dayandırılıb.

“Report”un yerli bürosu xəbər verir ki, buna səbəb Gürcüstan və Türkiyənin enerji sistemlərini birləşdirən 400 kilovatt gücə malik "Mesxeti" elektrik ötürücü xəttində baş verən qəza olub.

Hazırda Gürcüstanın Türkiyədən elektrik enerjisi idxalı dayandırılıb və ölkənin əksər hissəsi işıqsız qalıb.

Elektrik enerjisi ilə təminatın bərpası üçün müvafiq işlər görülür.