Nazir: “Toxunulmazlıq təminatı Nazarbeyevin ailə üzvlərinə deyil, yalnız özünə şamil edilir"

“Qazaxıstan Respublikasının Birinci Prezidenti – Elbası haqqında” Konstitusiya Qanununun qüvvədən düşməsi ilə toxunulmazlıq təminatı yalnız eks-prezident Nursultan Nazarbayevə şamil ediləcək, onun ailə üzvlərinə deyil”.

“Report” “Sputnik-Qazaxıstan”a istinadən xəbər verir ki, bunu ədliyyə naziri Azamat Eskaraev jurnalistlərə açıqlamasında deyib.

“Bu qanunla ailə üzvlərinin əmlakına, hesablarına zəmanət verilirdi. Qanunun qüvvədən düşməsi ilə bu təminatlar ləğv ediləcək", - o bildirib.

Xatırladaq ki, sözügedən qanun hələ 2000-ci ildə qəbul edilib və bir neçə dəfə dəyişdirilib.

Nursultan Nazarbayev Qazaxıstana 30 ilə yaxın rəhbərlik edib və 2019-cu ilin martında vəzifəsini tərk edib.