Paşinyan general-mayor müşavirini vəzifədən azad edib

Ermənistan Silahlı Qüvvələri Baş Qərargahının Kəşfiyyat idarəsinin keçmiş rəisi, general-mayor Arşak Karapetyan baş nazir Nikol Paşinyanın müşaviri vəzifəsindən azad edilib.

“Report” xəbər verir ki, məlumatı “Sputnik Armeniya” yayıb.

Bildirilib ki, A.Karapetyan 2016-cı ilin Aprel döyüşlərindən sonra Kəşfiyyat idarəsinin rəisi vəzifəsindən azad edilib.