Putin: “Ərdoğan sözünün üstündə dayanan adamdır, kişidir”

“İndi Ərdoğan ilə bəzi məsələlərdə fikir ayrılığı var. Bəzən hətta tam əks fikirlərimiz olur”.

“Report” xəbər verir ki, bunu Rusiya prezidenti Vladimir Putin illik böyük mətbuat konfransında deyib.

Rusiya dövlət başçısı bununla belə Türkiyə lideri haqqında olduqca müsbət fikirlər səsləndirib: “Amma o, dediyi sözün üstündə dayanan adamdır, kişidir. Öz ölkəsinin xeyrinə olduğunu düşünürsə, sona qədər gedir, daha "quyruq bulamır”.