Rusiya XİN: Neokolonializmlə mübarizə Rusiyanın xarici siyasəti üçün aktualdır

Neokolonializmlə mübarizə Rusiyanın xarici siyasəti üçün aktual əhəmiyyət kəsb edir.

“Report” xəbər verir ki, bunu Rusiya Xarici İşlər Nazirliyinin (XİN) rəsmi nümayəndəsi Mariya Zaxarova brifinqdə deyib.

“Bu, bizim prioritetlərimizdən biridir. Təkcə ona görə yox ki, bunlar tarixi reallıqlardır və bu, həm də baş verənlər haqqında bilikləri qorumaq baxımından vacibdir. Həm də ona görə ki, müstəmləkəçilik indi güclənir və müasir texnoloji səviyyədə neokolonializm şəklində möhkəmlənir”, - o bildirib.

M.Zaxarova qeyd edib ki, bəzi ölkələr müxtəlif sahələrdə müasir imkanlardan istifadə edərək, bu gün də müstəmləkəçilik siyasətini davam etdirir.