Sədr: “ATƏT Cənubi Qafqazda sülh təşəbbüslərini dəstəkləməyə hazırdır”

“ATƏT əvvəllər də olduğu kimi Cənubi Qafqazda sülh, etimadın möhkəmləndirilməsi və dialoq üzrə təşəbbüsləri dəstəkləməyə hazırdır”.

“Report”un Gürcüstan bürosu xəbər verir ki, bunu ATƏT-in fəaliyyətdə olan sədri, Polşanın xarici işlər naziri Zbiqnev Rau deyib.

O, Gürcüstanın xarici işlər naziri David Zalkaliani ilə informativ diskussiya apardığını bildirib.

Z.Rau ATƏT-in daxili və xarici təhdidlər nöqteyi-nəzərindən Gürcüstana sarsılmaz dəstəyini təsdiqləyib.