İyunun 17-də Gürcüstanın paytaxtı Tbilisidə qadın liderlərin iştirakı ilə beynəlxalq konfrans keçiriləcək.
“Report”un yerli bürosu xəbər verir ki, bu barədə Gürcüstanın Prezident Administrasiyasından bildirilib.
Qeyd olunub ki, tədbirdə dünyanın hər tərəfindən diplomatiya, siyasət, mədəniyyət və biznes sahələrində qadın liderlər bir araya gələcəklər.
Xatırladaq ki, Tbilisidə konfransın keçirilməsi təşəbbüsü Gürcüstan Prezidenti Salome Zurabişviliyə məxsusdur.