Tbilisinin azərbaycanlılar yaşayan qəsəbəsində xüsusi əməliyyat keçirilir

Gürcüstanın paytaxtı Tbilisinin yaxınlığında yerləşən Poniçala (Soğanlıq) qəsəbəsində xüsusi əməliyyat keçirilir.

“Report”un yerli bürosu xəbər verir ki, narkotik vasitələrin satışında ittiham olunan şəxs və ya şəxslərin saxlanılması həyata keçirilir.

Saxlanılanların ailə üzvləri və polis əməkdaşları arasında qarşıdurmanın olduğu bildirilir.

Gürcüstanın Daxili İşlər Nazirliyindən xüsusi əməliyyatla bağlı məlumatın veriləcəyi bildirilib.