Türkiyə-Avropa İttifaqının parlament komitəsinin iclası martda keçiriləcək

Türkiyə və Avropa İttifaqının (Aİ) birləşmiş parlament komitəsinin iclası bu il martın 17-18-də Brüsseldə keçiriləcək.

“Report” TASS-a istinadən xəbər verir ki, 3 illik fasilədən sonra Türkiyə və Aİ nümayəndələri iqtisadi və ticarət mövzularını müzakirə etmək niyyətindədirlər.

Koronavirus pandemiyası səbəbindən görüşün onlayn formatda keçirilmə ehtimalı mövcuddur.

Xatırladaq ki, sonuncu analoji görüş 2018-ci ilin dekabr ayında Türkiyə parlamentində baş tutmuşdu.