Türkiyə və Ukraynanın müdafiə nazirləri telefonla danışıb

Türkiyənin milli müdafiə naziri Hulusi Akarla ukraynalı həmkarı Oleksiy Reznikov arasında telefon danışığı olub.

“Report” xəbər verir ki, bu barədə Türkiyənin Milli Müdafiə Nazirliyindən bildirilib.

H.Akar atəşkəsin ən qısa vaxtda bərpa olunmasının zəruriliyini vurğulayıb.

Qeyd olunub ki, Türkiyə Ukraynaya humanitar dəstəyi bundan sonra da davam etdirəcək.