Türkiyədə avtobus qəzaya uğrayıb, ölənlər var

Antalya əyalətinin Manavqat dairəsində turist avtobusunun aşması nəticəsində 3 nəfər ölüb, 16 nəfər xəsarət alıb.

“Report” NTV-yə istinadən xəbər verir ki, rusiyalı turistləri daşıyan avtobus əvvəlcə ayırıcı bəndə çırpılıb, sonra isə qarşı zolağa çıxaraq aşıb.

Hadisə yerinə xeyli sayda polis və təcili yardım maşınları cəlb edilib. Yaralananlar xəstəxanalara yerləşdirilib.