Ukrayna xaricdə olan çağırış yaşlı vətəndaşlarını axtarışa verib

Ukraynada ölkəni tərk etmiş çağırış yaşlı bütün kişi vətəndaşlar axtarışa verilib.

"Report"un Şərqi Avropa bürosunun məlumatına görə, bu barədə Ukrayna Müdafiə Nazirliyinin açıqlamasında bildirilir.

Qeyd olunur ki, çağırış yaşlı ölkəni tərk etmiş, əlaqə qurmaq mümkün olmayan vətəndaşlar Ukrayna hüquq-mühafizə orqanları tərəfindən axtarışa verilir: "Onlar üzərilərindən bu axtarışın götürülməsi üçün ölkəyə qayıdıb, müvafiq qurumlara müraciət etməlidirlər".