Ukraynanın baş naziri Gürcüstana səfər edəcək

Ukraynanın baş naziri Denis Şmiqal Gürcüstana səfər edəcək.

“Report”un yerli bürosu xəbər verir ki, XİN başçısı bu barədə gürcü həmkarı David Zalkaliani ilə Kiyevdə keçirdiyi görüşdə bildirib.

Tərəflər Ukrayna-Gürcüstan strateji tərəfdaşlığı, hər iki ölkənin Avropa İttifaqı və NATO-ya inteqrasiyası ilə bağlı ümumi hədəfləri vurğulayıblar.

Görüşdə müxtəlif sahələrdə əməkdaşlığın fəallaşdırılması və dərinləşdirilməsi imkanları da müzakirə olunub.