Azərbaycanda vurulan ümumi peyvəndlərin sayı 1,2 milyonu ötüb

Azərbaycanda son sutkada koronavirus (COVID-19) əleyhinə 34 976 vaksin vurulub.

Nazirlər Kabineti yanında Operativ Qərargahdan "Report"a verilən məlumata görə, bir gündə birinci mərhələ üzrə vaksinasiya olunanların sayı 28 777, ikinci mərhələ üzrə vaksinasiya olunanların sayı 6 199 nəfərdir.

Ölkədə vurulan vaksinlərin ümumi sayı 1 212 163, birinci mərhələ üzrə vaksinasiya olunanların ümumi sayı 787 066, ikinci mərhələ üzrə vaksinasiya olunanların sayı isə 425 097 təşkil edir.