Böhrandan zərər çəkənlərə xidmətlər göstərmək üçün xüsusi otaqlar yaradılıb

UNICEF, “Regional İnkişaf” İctimai Birliyi (RİİB) və TƏBİB-in birgə təşəbbüsü çərçivəsində böhrandan zərər çəkən ailələrə, körpə və uşaqlara xidmətlər göstərmək üçün xüsusi otaqlar yaradılıb.

"Report" xəbər verir ki, bu otaqlarda analar və uşaqlar ilkin səhiyyə xidməti, ana südü ilə qidalandırma, erkən uşaqlıq dövrü inkişafı və qayğısı üzrə xidmətlərdən faydalanıblar.

Qeyd edək ki, layihə çərçivəsində mobil tibbi personal tərəfindən məsləhət xitmətləri Ağdam və Ağcabədi rayonları olmaqla 15 kənddə fəaliyyət göstərib.