Bu il Azərbaycan qızıl ixracını 15%-dən çox artırıb

Bu ilin avqust ayında Azərbaycan xarici ölkələrə 28 mln ABŞ dolları dəyərində qızıl ixrac edib.

“Report”un məlumatına görə, bu barədə İqtisadi İslahatların Təhlili və Kommunikasiya Mərkəzinin "İxrac İcmalı"nda deyilir.

Bu, 2019-cu ilin avqust ayının göstəricisi ilə müqayisədə 5,3 mln ABŞ dolları və ya 23,3% çoxdur.

Bu ilin yanvar-avqust aylarında Azərbaycan xarici ölkələrə 124,4 mln ABŞ dolları dəyərində qızıl ixrac edib. Bu, 2019-cu ilin yanvar-avqust aylarının göstəricisi ilə müqayisədə 16,7 mln ABŞ dolları və ya 15,5% çoxdur.