Əmək və Əhalinin Sosial Müdafiəsi Nazirliyinin (ƏƏSMN) tabeliyindəki Dövlət Məşğulluq Agentliyi ilə Qazaxıstanın Əmək və Əhalinin Sosial Müdafiəsi Nazirliyi yanında Əmək Resurslarının İnkişafı Mərkəzi arasında Fəaliyyət Planı imzalanıb.
Məşğulluq Agentliyindən "Report"a verilən məlumata görə, Fəaliyyət Planını Agentliyin İdarə Heyətinin sədri Mustafa Abbasbəyli və Qazaxıstanın Əmək Resurslarının İnkişafı Mərkəzinin prezidenti Daulet Arqandıkov imzalayıblar.
Bildirilib ki, qarşılıqlı əlaqələrin və birgə fəaliyyətin təkmilləşdirilməsi məqsədilə imzalanan və 2024-cü ili əhatə edən Plan əmək münasibətlərinin rəqəmsallaşdırılması, peşə hazırlığı, işsiz şəxslərin, xüsusilə gənclərin məşğulluq imkanlarının artırılması istiqamətlərində əməkdaşlığı nəzərdə tutur.
![](https://static.report.az/photo/547ce685-98ec-3037-93f7-6f42a8d42735_300.jpg)
![](https://static.report.az/photo/0bb377bb-2c97-3673-8158-870311f31f5f_300.jpg)
![](https://static.report.az/photo/d50b0463-e647-3b86-93b2-4d67e57a354a_300.jpg)
![](https://static.report.az/photo/4d525977-8dd2-3e06-96fa-3d1865869cf0_300.jpg)