Dünyanın ən çox məvacib alan aktyorları açıqlandı

Dünyanın ən çox məvacib alan aktyorlarının siyahısına il ərzində 87,5 milyon ABŞ dolları qazanan Duayn Conson başçılıq edir.

“Report” xəbər verir ki, siyahını “Forbes” jurnalı dərc edib.

Məlumata görə, ikinci yerdə 71,5 milyon dollarla Rayan Reynolds, üçüncü yerdə isə 58 milyon dollarla Mark Uolberq qərarlaşıb.

İlk beşliyə həmçinin ardıcıllıqla 55 milyon dollarla Ben Afflek və 54 milyon dollarla Vin Disel də daxildirlər.