Azərbaycanda xaricilərin bank kartları ilə xərcləmələri 76 % artıb

Bu ilin yanvar-noyabr aylarında əcnəbilər bank kartları vasitəsi ilə 1 964,8 milyon manatlıq əməliyyat aparıb.

“Report” xəbər verir ki, bu barədə İqtisadi İslahatların Təhlili və Kommunikasiya Mərkəzinin "İxrac icmalı"nda bildirilir.

Sənədə əsasən, bu, ötən ilin eyni dövrü ilə müqayisədə 76,4 % çoxdur.

Təkcə noyabr ayında isə xarici vətəndaşların bank kartları vasitəsi ilə ölkəmizdə apardıqları əməliyyatların dəyəri 158,1 milyon manat təşkil edib. Bu da 1 il əvvələ nisbətən 4,6 % çoxdur.