DTA: 2019-cu ilin turizm göstəriciləri 2025-ci ildə bərpa oluna bilər

“2019-cu ildə Azərbaycana rekord sayda - 3,17 milyon turist gəlmişdi. Biz bu rəqəmin 2020-ci ildə 15% çox olacağını gözləyirdik, lakin koronavirus (COVID-19) pandemiyasına görə vəziyyət dəyişdi”.

“Report” xəbər verir ki, bunu Dövlət Turizm Agentliyinin (DTA) rəsmisi Kənan Quluzadə bildirib.

“Biz 2023-cü ildə 2019-cu ilə yaxın, 2025-ci ildə isə 2019-cu ilin turizm göstəricilərinin bərpa olunmasını gözləyirik. Həmçinin daxili turizmin də inkişaf edəcəyini proqnozlaşdırırıq. 2019-cu ildə 3 milyona yaxın insan daxili turizmdən istifadə etmişdi", -deyə o, əlavə edib.