BMT-nin Baş katibi Qarabağdakı vəziyyətdən narahatdır

BMT-nin Baş katibi Antonio Quterreş Qarabağda hərbi əməliyyatlar haqqında məlumatlardan dərin narahatlıq keçirir.

“Report”un yerli bürosu xəbər verir ki, bunu Baş katibin sözçüsü Stefan Düjarrik jurnalistlərə açıqlamasında deyib.

"Baş katib Antonio Quterreş Qarabağ və onun ətrafında gərginlik barədə son xəbərləri narahatlıqla izləyir. Bu cür xəbərləri təsdiqləmək və ya yoxlamaq iqtidarında olmasaq da, biz tərəfləri təmkinli olmağa və bütün həll edilməmiş məsələləri dialoq yolu ilə həll etməyə çağırırıq”, - Düjarrik vurğulayıb.