Ceyhun Bayramov: Azərbaycan sülh sazişi ilə bağlı danışıqlar prosesinin başlamasında maraqlıdır

Azərbaycan sülh sazişi layihəsi ilə bağlı növbəti şərhlərini Ermənistan tərəfinə təqdim edib və bu istiqamətdə danışıqlar prosesinin başlamasında maraqlıdır.

"Report" xəbər verir ki, bunu Azərbaycan xarici işlər naziri Ceyhun Bayramov Avropa İttifaqının Cənubi Qafqaz üzrə xüsusi nümayəndəsi Toivo Klaarla görüşündə deyib.

Bununla yanaşı Ermənistanın Konstitusiyasında, qanunvericilik aktlarında, beynəlxalq təşkilat və məhkəmələrdə Azərbaycanın ərazi bütövlüyü və suverenliyinə qarşı davam edən iddialar bir daha xatırlanıb və bu iddiaların qəbuledilməz olduğu da vurğulanıb.