Nazir: İtaliya ilə enerji sahəsində əməkdaşlıq mühüm əhəmiyyət kəsb edir

Azərbaycan İtaliyanın Cənubi Qafqazdakı ən böyük ticarət tərəfdaşıdır.

“Report” xəbər verir ki, bunu Azərbaycanın energetika naziri Pərviz Şahbazov İtaliyanın Respublika Günü münasibətilə keçirilən tədbirdə deyib.

Nazir qeyd edib ki, iki ölkə arasında tarixi dostluq və strateji tərəfdaşlıq bütün sahələrdə ən yüksək səviyyəyə çatıb.

“İtaliya Azərbaycanın əsas ticarət tərəfdaşlarından biridir. Ötən il iki ölkə arasında ticarət dövriyyəsi 15,6 milyard ABŞ dolları təşkil edib. Azərbaycanın işğaldan azad edilmiş ərazilərinin bərpasında İtaliya şirkətlərinin fəal iştirakını da xüsusi qeyd etmək lazımdır. İtaliya ilə iqtisadi tərəfdaşlıqda enerji sahəsində əməkdaşlıq mühüm əhəmiyyət kəsb edir. Həmçinin ölkələrimizin G7 və COP29-da sədrliyi əməkdaşlıq üçün yeni imkanlar açır”, - nazir vurğulayıb.