Politoloq: “Azərbaycanla Latviya arasında əməkdaşlığın böyük potensialı var”

“Azərbaycanla Latviya arasında ikitərəfli əməkdaşlıq böyük potensiala malikdir və bu, bundan sonra da genişlənəcək”.

“Report” xəbər verir ki, bunu latviyalı politoloq Aleks Qriqoryevs deyib.

Onun sözlərinə görə, əməkdaşlığın hazırkı səviyyəsi yaxşıdır, lakin onun miqyası geniş deyil: “Bu məsələdə çox şey latviyalılarla azərbaycanlılar, o cümlədən Azərbaycandakı latviyalılarla Latviyadakı azərbaycanlılar arasında şəxsi dostluq və əməkdaşlığa əsaslanır. Əlbəttə ki, bu, çox yaxşıdır. Lakin bu da kifayət etmir”.

Politoloq vurğulayıb ki, bu yaxınlarda Azərbaycanın İxracın və İnvestisiyaların Təşviqi Agentliyi (AZPROMO) və Latviyanın İnvestisiya və İnkişaf Agentliyi arasında Anlaşma Memorandumunun imzalanması iki ölkə arasında əməkdaşlığın və ticarət dövriyyəsinin daha da genişlənməsinə töhfə verəcək.

A.Qriqroyevs hesab edir ki, enerji sahəsində də əməkdaşlıq potensialı var: “Xüsusilə Azərbaycan Dövlət Neft Şirkəti (SOCAR) Latviyada biznesini inkişaf etdirə bilər. SOCAR əla şirkətdir və ümid edirəm ki, zamanla Latviyada da təmsil olunacaq”.