Şarl Mişel Azərbaycan-Ermənistan sərhədindəki gərginliyə münasibət bildirib

“Azərbaycan-Ermənistan sərhədində döyüşlərin getməsi ilə bağlı xəbərlər son dərəcə narahatedicidir”.

“Report” xəbər verir ki, bunu Avropa İttifaqı Şurasının Prezidenti Şarl Mişel bildirib.

O qeyd edib ki, tam və dayanıqlı atəşkəs şərtdir:

“Sülh və sabitliyin alternativi mövcud deyil. Bunu təmin etmək üçün diplomatiyanın alternativi yoxdur”.

“Mən həm Azərbaycan Prezidenti İlham Əliyevlə, həm də Ermənistan Baş naziri Nikol Paşinyanla əlaqə saxlayıram. Avropa İttifaqının Cənubi Qafqaz üzrə xüsusi nümayəndəsi Toyvo Klaar danışıqlar üçün Bakı və İrəvana gedəcək”, - Avropa İttifaqı Şurasının Prezidenti vurğulayıb.