Ülvi Mehdiyev: Azərbaycanla BƏƏ arasında münasibətlər yüksələn xətlə inkişaf edir

Azərbaycan hökuməti olaraq Birləşmiş Ərəb Əmirlikləri ilə əməkdaşlıqdan məmnunuq. İki qardaş ölkə arasında münasibətlər yüksələn xətlə inkişaf edir.

"Report" xəbər verir ki, bunu Azərbaycan Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev Azərbaycan - Birləşmiş Ərəb Əmirlikləri (BƏƏ) Nazirlərinin Təcrübə Mübadiləsi Forumunda çıxışı zamanı deyib.

Onun sözlərinə görə, Azərbaycanla BƏƏ arasında əməkdaşlıq yüksək səviyyədədir: "İki dövlət arasında münasibətlər "yaşıl enerji" sahəsində əməkdaşlıq baxımından da vacibdir".